"Nwng Sakno Hamjaktwi no Buino bo Hamjakdi" Mark 12:31

Kokborokni 1st Proscenium Theater swinai Swikwrwng Alindralal Tripura ni Thungnuk(Natok)(1973 bisini Thungnuk) no cherwi naimung

Janaka Tripura

         Jono Shikha jorao songsajakmani kok tai hukumu ni bechebo samung mwthakjagwi thangmani ulo Kokborok sanairogni bosongo bisi kolokma romwi siring-siring wngmani nukjago, sana kwlaio 1960 ni simi 1970 jora a phuruni simino mokol kaimano, a jora Rwng tei hukumuni samung aswk kwchwng nukliya, 1960 ni ulo chin Bai Bharat ni choba, 1963 Bharat bai Pakistan ni choba (1964-65) Bharat ni borokrog kwchang kwchang khe tongliya, a jorano Purba Pakistan(tabuk Bangladesh) ni borokrog yarwng kwmajagwi Tripurao haphaimani tei Tripurani haa ni bwsarok twrwk-twrwk khe kesebo kwlaina chengsao, chathaini biyal tei jater podni tong keseboni bagwi hukumuni samungrog tangjakliya, A jorano Tripurani bolongbo komorna chengo(Deforestation), borok bosongni huk chawi tongnani komorna chengkha tai Huk no rekewi borokni mukumurog kesebo kwlaikha.

1970-71 bisi rogo kwtal khwlaiwi wansuknani chengjakphikha, East Pakistan ni kokno twiwi chengjak mani choba hayungo kwtal khaiwi Bangladesh hwnwi nai Ha kaisa swnamkha, Bangladesh Chini ganani Ha, aroni nobar chini oro sokphaikha 1972 bisio “kokborok sahitya saba” songsajakha 1973 bisio Kokbork thungnuk “Lamani Homchang” lukurogno phunuknani chengjakha, 11^th October Rabindra Haba nogo sanja Damdok(6;00 P.M) jorao, a thungnuk swinai wngkha swikwrwng Alindralal Tripura, abono puila Tripura kokbai nosingkhoni puila thungnuk, O thungnuk ni kokbothoma wngkha ahai, chini Tripura bosongrog a jorao yapri sena rwngya jotono lekha pora kwrwi, A jorao lama phunuknai khoroksa bachawi lama tolmani o thungnuk ni bisingtwi phunukjakha, Borokrog bahaikhe yapri sekhe hamkwrai lamao phaiwi man abono o thungnuk ni bisingtwi phunukjak kha, O Thungnuk eba Natok o mwsanairog wngkha- Sukramani Debbarma( Main Character) Madhuri Debbarma (Main Character Female) Bikram Bahadur Jamatia, Fulbati Debbarma, Bhumani Debbarma. O natok Tripura hasteni kaisa laibuma aboni bagwi swikwrwng Alnindra lal Tripura khoroksa Tripura dopharogni kokrwbaini athukiri.