"Nwng Sakno Hamjaktwi no Buino bo Hamjakdi" Mark 12:31

 Graham Staines ni Nokhung

“Nwng Sak no Hamjaktwi Buino Bo Hamjak Di”

Swinai: Janaka Tripura

Topic:

1.      Joto no baksa khe nukdi….Kung tachukdi…. ( Rum 12:16)

2.      Hamya bai tamechenjak di, kaham bai se hamya no mechendi (Rum: 12: 21)

3.      Norok buibai khlaijak na muchungtwi norokbo buino khlaidi (Luk 6:31)

4.     nwng sak no hamjaktwi buino bo hamjakdi. (Mark 12:31)

 

Graham Stuart Staines (Australian Christian Missionary)

Evangelist Missionary

Achaima Sal: 18^th January 1941

Bihik(Wife) : Gladys Staines

Bini bwsa khorok nwi:

1) Philip (10)

2) Timothy (6)

3) Esther  

 

Introduction:

Graham Staines Khoroksa Australian Evangelist Missionary bo bini Hao Bible translate ni samung tangwi tongmani tei Khusta bemar (Leprosy) rog no naikani khiwi tongmani, bo khwna kha India hai haktor o Biyadi chajak rogno swi-uak hai khe bolongo khawi tonjago, sak nangya khaijago, abono bo khwnawi belai kha khamjak kha tei bo wansuk kha ang thangnai borog no chuba nani bagwi, Abo haikhe no 1965 bisio o bini bihik-bwsa no twiwi Kaitorni mungbai bo sakni Ha no yakarwi buino hamjak mani bagwi lam rwkha India ni Orisa hasteo,  A jora o bini umor 24 bo India Haktor o phaio, bini sajla khoroktham, khoroksa ni mung Timothy (7) tei khoroksa Philip (10), tei khoroksa sajwk Esther tongo.

 

Bo puila India o phaiwi nuk phai kha, Kusta rugi(Leprosy) bemar manjak rogno hodani ongkhorwi rohoro Kwthangwi sogowi khibio, mairang kaisa rwiwi Bolongo phiyogwi rohoro, kwtangwi hakoro phobjago. Abono nugwi bo khairok jag kha, borogno bo tangkha, tei bini tongma jagao tubukha, Bini nahar mung wngkha, Subrai Jisu buino hamjakma hai Hamjakmung rwna ni..

 

Graham Stain bo Biyadi Chajak (kusta rogi) rogno ton nani bagwi kaisa Leprosy Home swnam kha… aboni mung (MAYUR GANJ LEPROSY HOME). Aro bo bemar hamya rogno free khe bithi rwkha tei Kaitorni kok pirkha.

 

Aro tongtwi twi ah Bemar hamya (biyadi chajak rogno) Chamung ajinani lama phunugwi rwkha.. Chatai swnam nani/ Juri swnam nani/ bahaikhe Income phainai abono phwrwngkha.

 

 A jora Stain English no karwi mungsa kok manya, bo borogno hamjak nani phwrwngkha tongte –tong te bo Oriya kok swrwngkha.

 

Graham Satiens bahai khe thwikha?

Borok kaham rogni ayuk bara hwnwi sama hai, Graham Satin ni Samung kaham no baksa borok mokolo gwdalya wngnai chwng laikha, Sal 23^th January 1999  Hor ni 7:00 tao Monoharpur o kaisa Bible Camp wngwi tongmani jora, Graham Staines ni nokbai abo chal mani 100 km .. aro thang nani bagwi Grahm Staines tei bini sajla  khoroknwi no twiwi aro thang nani lam rwlaikha, aphuru belai kwchangmani jora (maising mol), Graham staines Gari kawi aro lam rwlaikha horo, Programme paiwi nogo kiphilmani jora Graham staines tei bini sajwla kwchangjak mani bagwi Gari bisingo no thunai hwnwi uansuk laikha, a jora achomsa 50 -60 borok da, rua, tei hor tubuwi borog thuma jagao attack khai phaikhe, borog mungsa pal manliya, borog yokna ni belai koikha haiphano borogno gari sakao kerosin lukhlaiwi hor phw nangwi rwkha.. borog arono langma chokha.  

 

A jorao omohai Patimung khai rwnai wngkha, Hindu dormo ni songothon -BAJRANG DOL,

Bojrang dol borogno majwra berkha- je Graham stains ni nokhung borokrogno jur khaiwi dormo swlaio,

 

Phiyaba kaisa Wadha commission report cherwi naimani bisingtwi, saimankha borog kebono jur khaiwi Dormo swlaiya, Hamya no se hamrwna phaio, Hamjak mung se rwna phaio, Chuba nase phaio, ..

Chwng Indian Constitution Article no. 25 , 28  aro chwngno sao:-

25   No. Joto lukurogno sak ni muchungtwi Doromo yachagwi mano, tei kok bo pirwi mano.

26   No. School eba Missionary School o Dormo phwrwngmung phwrwng mano.

Bharat ni Sangbidan chwngno tebo sao Kaitorni kok chwng chini muchungtwi sawi mano abono kebo mwthagwi manya.

 

Aboni bagwi o kusta rugi (biyadi chajak) rog saiman kha Kaitor se hamjak naisa, khairok naisa, aboni bagwi kwbangma borok Kaitorno yachak kha.

 

Graham Staines thwimani koktuma INDIA haktor gwnangwi pirsajak kha, tei America Human right ni bwkhaktwi kaisa case khaijak kha. A jorao Hayung haktor gwnangwi burning Issue wngwi thangkha.

 

A jorao India ni President K.R Narayan  a patimung no khwnawi tamo sakha-

“ Chwng omohai kaisa borokno mankha Hamyano chubana phaimani bono chwng Sokat rwyawi thwinani lama-o se rohor sio

Chini India haktor ba omo baide sini jak nai” Lachima singcha

 

Kusta rugi (Biyadi Chajak) ni bising khorksa o thwimani Paitimung no twiwi sakha:-

“ Chini o swngchar mwnak tongmani phiyaba borog chini kaitor wngwi phaikha chwngno kwthwi hakorni sochawi tubukha, chwng Kaitor ni pohor no nukha”

 

Oh patimung ni main culprit wngkha DARA SINGH bono jabot-jibon ni bagwi Jail o chobjak kha,

 

Je phuru bini mang kwthwi no tubu kha, a jorao Joto National/International Media sokphaikha tei Media rog Grahm Staines ni bihik no swngjak kha- sadi nwng o dusi rog no tamo sasti rwna muchung, nini bwsai tei nini chwrai no horbai sogwi buthar nai no..

 

Aphuru bo sakha – “ Ang Kaitor ni thani omo simi surio O hamya khlainai rog bo Kaitor ni hamjakmung bai bwkha swlaija thung’

borog ni bagwi mungsa sasti san liya hamjak ma bai kaitorno suri sankha.

 

Stains ni Bihik ni kok ni bisingtwi saimankha--- Naisele mani sai Hamjak se joto ni kotor.

Aboni bagwi Bible o Rum 12:21 o nugo (hamya bait a mechenjak di kham baise hamya no mechendi”  

 

Bini bwsai thwimani ulo bo bo tei Bisi ba(5 year) aro samung tangwi tongkha, tei Kaitorni kok no lukurog no phwrwng kha, phunuk kha,

2004 bisio haino hai Australia o kiphil thangkha,

aboni yagulo 2005 bisio Graham Saitn ni bihik no samung kaham ni bagwi Bharat Sorkar Padma Shree Award yaphar jak kha.

 

Tinibo a jaga Orissa o Kaitorni samung tangjagwi tongo, Kaitor no poto khwlaiwi hajar hajar Borok phaiwi tongo.

 

Aboni bagwi bo chwng sak no hamjaktwi buino bo hamjak thai. Chwng buibai khlaijak na muchung twi buino bo khlaithai. Amen.