Oh Israil Nini Kaitorni bwskango bacha nani tiyar wngsidi

 

“……………………………………….Oh Israil nini Kaitorni bwskango bachanani tiyar wngdi”

(Amos: 4:12b)

 

‘Tiyar wngsi di’ / Jai wngsidi  (Math- 24:43-44)

 

1.     Saborog tiyar wngnai?-

2.     Tiyar tamoni bagwi wngnai?

3.     Tiyar bahaikhe wngnai?

4.     Tiyar wngnani bagwi tamo tamo nang?

5.     Tiyar wngnani tamoni bagwi aswk doro/kutuk?

6.     Ang Kaitorni bwskango bacha nani chuk kha de?

7.     Kaitorni bwskango bacha phuru ang no tamo swng tho-thok?

8.     Tabuk ni simi Tiyar wngyakhe tamo wngnai?

 

Introduction(Chengmung):-

Bible ni chermung-o naikhe Borokrog wngkha Tabuk Khairokjakma mol jorao tongo, Kaitorbai khairokjakna jorase tabuk. Swngchar bwkhak naikhe Technology ni Mol, Borokrog ni Uansukmung, Simung rog belaino advance, Borokrog jora- jora o sak sakno Kaitor hwnwi gosiwi bo tonglaio, Borokrog Kaitorno pogwi sakni Simao- rwngmao bwkha rwlaio.

 

Poto khlaiya Non-Christian rogbo baksa Sinai-nuknai rok cherwi nailaio, Swngcharo borokrog mwthangjak nani bagwi bobo lama kaham, Poito kwrak Christian rogni Phwrwngmung belai kaham….tongmung-Chamung nugwi baksa Non-Christian rogbo Kha bachawi tonglaio, haiphano Society, Hoda, Dophani kokrogno uansugwi Kubuio phainani udru-mudru nangjak bwkha-o, Elembak (Johon 3: 1-10)-o Nukma hai- Niodim /Nicodemus Pharisaini Ochai okra khoroksa salsa Jisuni thani horo tepsakhe Malaina thangmani, bo salokhe Jisuni bwskango thangrakya buide nuklangno, ang aswk Ochai bokhorok wngwi Jisuni thani tamoni thang?  …Buibai nukjakyatwi khe Horo Nikodim jisubai malaina thangkha, tabuk ni Non-Christian rogni bwkhaobo omohai nukjagwi tongo……… Nikodim ni uansukmung-  “Kaitorbai Tongkhe simise Omo hai Soidomni samung khlaimano”  Johon 3: 1-10)

Sermon…..

 

1.     Saborog tiyar wngnai?

Tiyar kokthai no chung joto bujio, o kokthai no chwng kokborok-o “Tiyar wngdi”, “dakti tiyar wngdi thangnani” –omo hakhe kokbwtang salaio, baksarog Jai wngdi hinwibo sao,

Chwng mungsaswk samung tangnani bagwi puila tiyar wngna nango, abo Lekha porithani phano, samung tang nani phano, chamung ajinani phano, Khela thung nani phano…

 

Abohai Kaitorni hao habnani / bachanani bagwibo puila tiyar wngnani nango, chwngno Elembak Mathai- 24:43-44) o sao “ Sikhok buphuru hapno Nokphang abono sawi mankhele Nokphangse Sichawi tongnai, Sikhokno haprwgwlak” aboni bagwi Sikhok khe nokphang siya jora ose phainai, - “tamoni hinkhe phaigwlak hinphuru ono borokni sajla phainai” –Mathai- 24:44 b.

Kaitorni bwsa wngwi ang Kaitorni bwsakango bacha nani tiyar wngnai. Kaitorbo chwngno elembako kwbangma dagi kha Tiyar wngdi, ani kokbothomao swijak tongma hai, Amos- 4:12 o “o ISrail Kaitorni bwskango bacha nani tiyar wnglai sidi”

 

 

2.     Tiyar tamoni bagwi wngnai?

 

Jesa Samungo phano Tiyar wngnani belai nangkugo, Samung-o, Habao, Ajimungo, Lekha-porao, Baniya, Sebuk o, Tiyar wngwi samung tangkhe Success wngo, tei bwthai kaham mano, abohaino Chukno hao Kaitorbai malai nani bagwibo pholao chwng Tiyar wngna nano..Tiyar wngyakhele Sikhok buphuru Nok-o hapno Nokphang sawi mangwlak, aboni bagwi Kaitorni Haa buphuru sokphaino kebo sawi manya, Elembak ni (Mark -13:32) o sama hai “ A sal bai a jora bu phuru phaino kebo sawi manya, chukno hani suariboya, Sajla boya, Apha simise sawi mano”

 

Tiyar  Chukno hao Kaitorbai malai nani bagwi wngnai, Ang Chukno hao, ani bagwi aswk Tongthai kaham Kaitor swnam kha abono man nani bagwi se tabukni simi tiyar wngnai.

Ø  Kaitorni bwskango chukjak (Qualified) borok wngnani jora tabuk. 

Ø  Chwng sak sak ni bagwi chuknohao khati hornani jorase tabuk.  (Mathai- 6: 19)

 

Sermon ……………….  Chukno hao khati hordi…..

 

Chwng Swngchar ni borok rog Chukno hao khati hordi hinmani kokno khamkhe romwi manlaiya tabukbo, chwng oh Swngcharo simi khati laio,

 

 

3.     Tiyar wngnani bagwi tamo tamo nang?

 

·         Tamokhe nwng Kaitorni hani bagwi se Wansukgradi ( Mathai -6: 33)

·         Nwng Sakno hamjaktwi Buino bo hamjakdi…( Jakob-2:8)

·         Tamokhe nini Kaitor Subraino Khabai-Khukbai Hamjak Sukdi….(Mark-12:30)

·         Norok norokni Hukbar bisi brum-brum manmani bwthai bwchwlwi Chi-o Kaisa khagwi tondi… (Uainwini saphima -14:22)

·         Swngchar gwnangwi ani Kothoma kaham no pirdi…(Johon 3:16)

·         Sumsok gosidi….(1 johon -1-9)

·         Koine-ne wngnani….(Jisaia 66:2/ Mathai- 18:4-5)

·         Kena ari rohno hamjakdi… (Mathai- 5: 43)

·