janaka Tripura

  Ama-ni Kokno Kuchugo tisalaini bagwi Indiani Constitution Twma sa? Janaka Tripura Borok wngui o ha sakao achai phaikhai joto koksani swrwnggw, omo je kokpha wngthwi obo keha Nature se, hatingo naikhai 6000-7000 kok tongo,   chwng Bharot ha kotoni borok. Bharot haa go kubangma dopha, kok tong tongo, boni bisingbw Eight Schedule ni language no naikhai chwng sigw - The Constitutional provisions relating to the Eighth Schedule occur in article 344(1) and 351 of the Constitution.The Eight Schedule consists of the 22 languages namely (1) Assamese, (2) Bengali, (3) Gujarati, (4) Hindi, (5) Kannada, (6) Kashmiri, (7) Konkani, (8) Malayalam, (9) Manipuri, (10) Marathi, (11) Nepali, (12) Oriya, (13) Punjabi, (14) Sanskrit, (15) Sindhi, (16) Tamil, (17) Telugu, (18) Urdu (19) Bodo, (20) Santhali, (21) Maithili and (22) Dogri.Of these languages,14 were initially included in the Constitution.Sindhi language was added by the 21st Amendment Act of 1967.Konkani, Manipuri, and Nepali we...

  ANI KHURIO TABUKBO TONGO Janaka Tripura Amani bohogo tongphuruni simi Khwnao dalbidal khorang. Wansugwibo wansugwi manya Khao methebwi mang.   Haikheno sal haikheno tal Laiwi thangkha jora, Buini khurio phungma khwnawi Nukha angbo hayungni mwkhang.   Amani khurio bamsajagwi Torwi phaikha angle, Ama naikolmani jarwi. Torkha lokha bisibwrwi wngkha Yapharkha ama ano chongpreng Wansugwi manya chongprengni samung Sichigwi rwkha bebak.   Haikheno sal haikheno tal Laio umoni jora, Amani khurio tongphuruni simi Dangdubai angle tabuk jora.   Mokol tongwibo mokol nuglak Ani khurini manwino karwi   Ani khurio tabukbo tongo Rangchakhai kwchwng chwngwi Abono ani manwi.

  Bubagra Birchandra manikyani yakromwi hayungni swikwrwng Rabindranath Thakur -Janaka Tripura Laibumano khursakhe simise laibumani kokrogno sawi mano, Da kwtalbai samung   tangkhese bo teibo kubuk wngo phiya ahaino berawi tonkhe abo sorkhiwi phaitago gelewi thango, abohaino Tripurani laibumao Bubagrarogni yakkumun kwbangmano chini laibuma tabukbo koksao, abono kwchwng khainani kwtalkhe suchanani saboni samung ang sai manya? Chini Hasteni kwbangma thwngkwrwng adongrog Bubagrarogni samungrogno hamya sanai bo tongo kahambo sao, Jesa phano wngthun jorano rwgwi jorabai gwdalw o ha sakani bebak samung wngo, abo kebono sejawi manya, Tripura hasteo sara charchi brwi(184) Bubagrarog naikollangkha abo chwng jotono sawi mano tei kubui phiya sara charchi brwi(184) Bubagrani samungrogno cherwi naikhe mungsaya mungsa kaham eba hamya lukuni mokolo kwlaio, aborogni bere Bubagra Birchandra Manikya bini jorani simi Tripura hasteni laibumao kwtal jora phaijak hwnwi salaimani koktunbo mano,...

Chwngno rwdi Chini Manthai (Rwchapmung)   CHWNGNO RWDI CHINI MANTHAI   (Rwchapmung)   Compose -usha Debbarma   Chwngno rwdi chini manthai Chini tongthai rangchak haa Rimayakhe kwmai thangdi Thapla chawi komordi-2 Ohhh...   Chwngno ridi chini manthai Chini tongthai rangchak haa Rimayakhe kwmai thangdi Ta kebengdi lamao-   Nokha somsawi pherang kogwibo Chwngtai kiriliya Lama himthani busu habwibo Lamtai koroliya. Kubui kothoma swiwi kwlang nai Khakwlapni thwibai,   Chwngno ridi chini manthai..... .............. Ohh,, o haa no hamjaksinai Hamjaknai... Thwiwi chwng bachaphinai. Bachanai..-2   Swbaiwi kwlangnai Jwngjak kokrogno Pogwi kwlangnai Lama kebengno   Manai mannai salsa imangno Thwibo thangbo chwngle Kabaiya.....   Yakbai yak romwi kwtal lama twi Chwngle thangnai   himwi-2 o..haa no hamjaksinai hamjaknai ... thwiwi chwng bacha phinai bachanai... ...

  Kokborok kokni hamkrai lamao kebengswnal                                                        -Janaka Tripura(Aslong)           K aisa bwphang bwsano torwna logrwna hwnkhe bono kahamkhe naikani khaiwi ha kahamo nangmani satung-watui, nobar, Carbon dioxide(co 2 ) rikhese a phuphang dotino toro logo, o nangmani manwirog manyakhe a buphang torna logna lernai tei thwiphano thangmano. Kokbo(Language) ahaino, bini sak-sakni hukumu mukumuno rwgwi toro logo.            Kok(Language) kwrwikhe borokni sinimung kwrwi hukumu-mukumubo kwrwi, aboni bagwi o ha sakao kok achaiwi tongmung kwmakhe bini sinimungbo kwmawi thango. Ha sakao thangwi tongnani, borom mannani bagwi tei khoroksabai khoroksa kwrwnglainani lama. Aboni bagwi borokrogni tei...

Kokborokbai Chwrairogni Bumung Phardi Tiprasani sinimungno Kuchugo tisadi... -Janaka Tripura  

KOCHOKkha JORANI MUKTWI Swinai- Janaka Tripura Yaksi yagra nai naikhe hapung-hathai Tongo oro twima bai twisa. Kochogwi tong kho jorabai baksa Tongo tai sirisitini chamatwi rignai-risa, Oro chongpereng budukbai chojak, Kwcham jorani mwktwi bai e..hu..hu.rwchabo. Khorang kichikjak rwchapmung khwnaya kebo borogni rwchapmung no, Baka sakani khiclang kosom bai, Chasmai chalaiwi imang nuklaio Swrapsani bagwi.   Phiya tabuk khochokkha jorani muktwi Bwma kwrwi bwsarog, Nugo imang simalwng lama Bohogo yak sepjak, khorogo twiseng horjak Khwnao borogni khugo kokbiti Rwchaplaio kha hamwi tini. Sabo khwnanai borogni khorang? Khorang kichikjak rwchapmung, Kupulung mokolni muktwi Logio tongo bwsa bwtwi. Kochokjak twisani twi Khaklap kochomwi bwsak gwnangwi, Tei bwswk khochoknai Sabole husinai jorani muktwi?

(Aslong Culture and Traditional Photo) ASLONG   (A sub tribe of Tripura) -Janaka Tripura (Aslong)             H ayungo tabuk joratwi kokbangmani 6000- 7000 swk wnganw , o kok Sanairog ni bising sino-tibetan kokbosong kaisa hayungni ko bosong kotor. O bosong ni kaisa mungremo bodo group ni bedek ongkhormani “tipra” bosong eba “Tepperah” hwnwi wansuk kwrwng engrej saheb rog abono phuklang kha. O tipera bosongo kokborok Sanai kaichuku dopharog tongo o bosong koksanairog wngkha Debbarma, jamatia,Tripura, reang, kalai,murasing,rupini,noatia,uchoi. O kaichuku dopharogni janija dialect eba kokdekrog tongbaio, kokdekni bisingbo teibo clen hwnwi tongo. Chwng joto saimano Mongolian eba bukungbara rogni sub-tribe mase matongnai.  Kok khe ahaise o kaichuku dophani bising “Tripura” dopha ni jotoni swlai sub-tribe tei dialect bango wngya hwnmano kainwi chinwi(22) swk wngnai. aborog wngkha -Tripura, Kewa, naitong, Aslong, Haphang, Gwrjwng, Gaig...