Analysis of Kokborok Language & Literature etc.

"Nwng Sakno Hamjaktwi no Buino bo Hamjakdi" Mark 12:31

Mg. Salmari
Image
 Graham Staines ni Nokhung “Nwng Sak no Hamjaktwi Buino Bo Hamjak Di” Swinai: Janaka Tripura Topic: 1.       Joto no baksa khe nukdi….Kung tachukdi…. ( Rum 12:16) 2.       Hamya bai tamechenjak di, kaham bai se hamya no mechendi (Rum: 12: 21) 3.       Norok buibai khlaijak na muchungtwi norokbo buino khlaidi (Luk 6:31) 4.      nwng sak no hamjaktwi buino bo hamjakdi. (Mark 12:31)   Graham Stuart Staines (Australian Christian Missionary) Evangelist Missionary Achaima Sal: 18 th January 1941 Bihik(Wife) : Gladys Staines Bini bwsa khorok nwi: 1) Philip (10) 2) Timothy (6) 3) Esther     Introduction: Graham Staines Khoroksa Australian Evangelist Missionary bo bini Hao Bible translate ni samung tangwi tongmani tei Khusta bemar (Leprosy) rog no naikani khiwi tongmani, bo khwna kha India hai haktor o Biyadi chajak rogno swi-uak hai khe bolong...
Post a Comment

SUDHANYA TRIPURANI “TABUK PHANO RAIMA SARMANI KERANG KOTHOMA” KOKLOPO TRIPURA DOPHAROGNI MANTHAINI BIYALNO RWGWI KOK KISA

Mg. Salmari

 

SUDHANYA TRIPURANI “TABUK PHANO RAIMA SARMANI KERANG KOTHOMA” KOKLOPO TRIPURA DOPHAROGNI MANTHAINI BIYALNO RWGWI KOK KISA

Janaka Tripura

Kokrabaini laibumao alaidakhe sinimung mannai Swikwrwng Sudhanya Tripurani “Tabuk phano Raima-sarmani kerang kothoma” koklopno rwgwi kok swina swkang Swikwrwngni sinimungno kisa sana kwlaio, Swikwrwng Sudhanya Tripura achaikha 1961 engreji bisi march talni 3rd  salmario ,Salgrabaini Tilthoini Boiragi kamio,Bini Amani kok Tripura kok haiphano bini thani kokrwbai  bo 1998 bisio Haste haphangbai yapharjak “Rabindra Sokat” mankha.

Tripura koklopni laibumago “Sudhanya Tripura” keha Tripura dophani sakang yapri ronai, bini sakang kabangma Tripura dophani borogrog tongbaio Mungwnang Alindralal Tripura, Khusi Krishna Tripura, Planjit Tripura, aro kabangma borogrogbo swimungo yakrojak.

“Tabuk phano raima sormani kerang kothoma” koklop tabuk B.A General course ni 2nd Semester Unit –IV go porejagwi tongo, o koklop chini Tripura dopharogni bagwi kaisa sinimung aro khatungjaknai kok, tamani hingkhai, o koklopni bisingtoi chini Tripura dophani kacham tongmung-chamung, tangmung, toimung, o koklopgo bo phunukkha, iswk bai thkaya Tripura dopharog kacham jorago bo bahaikhalai dukho-kosto, birman wngwi phai ibono bini koklopgo chungno tabukbo muito khairogo.

O koklopo gamkhai cheroi naikhe chwng sio, ibo kaisa Tripurani kokkarano rwgwi swijak, kaisa kokkara chini kathang laibumano sago, Chwng jotono sigo Tripuri Dophao Tripura kok sanairogni bising “Raima-Saima” kokkara kothoma(kokkara) kaisa Tripura dopharogni kubui kothoma eba Khukni kokrwbai kothoma, o kokkara kothoma bisi raisai kwbangma sakang Tripura hastego o kothoma wngwi thangkha hwnwi achu-achwini khugobo khwnakha, kothomano aswk songpai sanani nangya, kothomani kokbathong wngkha hai kami khungsao Ruajani bwsajwk khoroknwi tongo, Ruajakhai parani ochai koto, buini oro samung rimang nukhungni samung charwi manya, kokbokhri sajakma tong “ochaini nogo beyarang kakya” o kok no koso Ruajani nukhungo wngjak. Ibohai kokno chwng tabukbo nugoi tongo,

O Koklopni bisingtwi chwng surungjaknai mano chini Tripura dopharog kacham jorao, kokkarago nukmani koso Raima-Saima iswk kosto khaigoi Huk khaimani, Watwi-Nobar manjagoi Hukkhaimani, borogni kiya chubanaibo koroi, haini bagwi Raima-sorma Samai tangnani nagkha,  samai wngkha “Je ano nok ronai bono ronai hamjakma” oboni kokmang wngkha chwng mungsaswk Manani bagoi chwng tabukbo samai tangni nango, kosto mangni nango.

Chini Tripura dophano naihokhai chwng tabukbo nugo chini Tripurao buini tolao kwlwkjak, cherjakya Raima-Saima kokkaraogo Huk tongbo Gairing kwrwi wngtwi, Chini Tripurarogni sago Bwsak tongbo Mungsa koroi, tabok chung Samai tangni lama tongo, haini bagoi chini o dopharogni kokno wansugwi Swikwrwng Sudhanya Tripura, bini koklopno “Tabukbo Raima sormani kokkara” hai hinwi bumung rokha, chwng tabok o koklopbai chini kacham jorani kokno khursagoi rutugoi naithai tongo. 

Location: Chawmanu, India RXCV+G7 Central Catchment R.F., Tripura, India

Comments

Post a Comment

Popular posts from this blog

"Nwng Sakno Hamjaktwi no Buino bo Hamjakdi" Mark 12:31

Mg. Salmari
Image
 Graham Staines ni Nokhung “Nwng Sak no Hamjaktwi Buino Bo Hamjak Di” Swinai: Janaka Tripura Topic: 1.       Joto no baksa khe nukdi….Kung tachukdi…. ( Rum 12:16) 2.       Hamya bai tamechenjak di, kaham bai se hamya no mechendi (Rum: 12: 21) 3.       Norok buibai khlaijak na muchungtwi norokbo buino khlaidi (Luk 6:31) 4.      nwng sak no hamjaktwi buino bo hamjakdi. (Mark 12:31)   Graham Stuart Staines (Australian Christian Missionary) Evangelist Missionary Achaima Sal: 18 th January 1941 Bihik(Wife) : Gladys Staines Bini bwsa khorok nwi: 1) Philip (10) 2) Timothy (6) 3) Esther     Introduction: Graham Staines Khoroksa Australian Evangelist Missionary bo bini Hao Bible translate ni samung tangwi tongmani tei Khusta bemar (Leprosy) rog no naikani khiwi tongmani, bo khwna kha India hai haktor o Biyadi chajak rogno swi-uak hai khe bolong...
Read more

Oh Israil Nini Kaitorni bwskango bacha nani tiyar wngsidi

Mg. Salmari
Image
  “……………………………………….Oh Israil nini Kaitorni bwskango bachanani tiyar wngdi” (Amos: 4:12b)   ‘Tiyar wngsi di’ / Jai wngsidi   ( Math- 24:43-44)   1.      Saborog tiyar wngnai?- 2.      Tiyar tamoni bagwi wngnai? 3.      Tiyar bahaikhe wngnai? 4.      Tiyar wngnani bagwi tamo tamo nang? 5.      Tiyar wngnani tamoni bagwi aswk doro/kutuk? 6.      Ang Kaitorni bwskango bacha nani chuk kha de? 7.      Kaitorni bwskango bacha phuru ang no tamo swng tho-thok? 8.      Tabuk ni simi Tiyar wngyakhe tamo wngnai?   Introduction(Chengmung):- B ible ni chermung-o naikhe Borokrog wngkha Tabuk Khairokjakma mol jorao tongo, Kaitorbai khairokjakna jorase tabuk. Swngchar bwkhak naikhe Technology ni Mol, Borokrog ni Uansukmung, Simung rog belaino advance, Borokrog jora- jora o sak sakno ...
Read more

Khukni Kokrwbai no Rwgwi Cherwi Naimung (Kokborok Folklore)

Mg. Salmari
Kokborok Khukni Kokrwbai no Rwgwi Cherwi Naimung -Janaka Tripura CHAPTER-1 Khukmoson (Introduction)                 H ayungni joto simung tei swimung kokrwbairog Oral Hukumuni ebakhe khukrwbaini phaio. Borokrog jephuru kanmung kannani, swinani swrwngyakho tei kaya maya taknani wansugyakho, aphururu phano borog sak-sakni bisingo kothoma, kerang kothoma, rwchapmung, kokreke, kokbwkrairog salai tonglaio, aborog khugo simi kochogwi tongo swijakya. Bisi rasai-rasai ungkolokni kokno wansugkhe borokrogni tongthaini mari nukjagma wngkha bolongo, bolongni malmatrog wngkha borogni ganani kwtang manwi, aboni bagwi Borok malmatabai baksa gwdalwi borgni langmano mwthangwi tono. Saia bisi swkang   Borokrog baksaba hakoro, baksaba buphang saka, baksaba hathairogo tongwi thangnani lama rutugo. A jora borokrogni puila nangmani wngkha chamung, chamungni bagwi borog jotono janija thaio hapharbai gwdalwi hukumu-mukumu swnam...
Read more